|
آق اولدوزوم
آق اولدوزوم! سن هارای و من هارا سن شانلی بیر پارلاق اولدوز من قارا قار یاغیش آغلیر هاوامیز گل آچاق پنجره نی سن یاغیشا من قــارا *** گل بیر چاتاق قارچئچگین دادینه سالاق اونـو بولودلارین یادینه گل بو درین درین اوره ک چاتلارین بیز ایلیگ گولدانلارین آدینه ***
آق اولدوزوم گل! بیر باخاق داغلارا قاردا بوغولـموش بولاغا باغلارا گل! بو قیشین آق بـوزونا باخمیاق آچاق قارا پنجره نی آقلارا ***
... من یاندیم قونشو باخدی
یاغیش آلتیندا بیر گون دایاندیم قونشو باخدی آلاو دوشدو جانیما من یاندیم قونشو باخدی
یول گوزله دیم بولودلار چئکلسین آی گورکسون بولودلانیب هر آخشام، تالاندیم قونشو باخدی
اوره ک بوتون جارلاشدی مصرین یولون سپورسین کنعان کیمین غم اوسته قالاندیم قونشو باخدی
یاغیش یاغیب یاغار کن ایسلاندی ائنتظاریم قنوت الده اوت ایچره یوباندیم قونشو باخدی
یارگئتدی من دایاقـسیز دولوب بوشالدیم هرگون گودن یئره بولود کیم جالاندیم قونشو باخدی
چئتیرسیز عاشیق اولماق، چتیندور چوخ ولی من یاغیش آلتیندا قانه بویاندیم قونشو باخدی
ققنوس کیمین گوزونده آلاو لاندیم کول اولدوم یئنگیشدن اوز کولومدن یاراندیم قونشو باخدی
دامــــلا، دامــــلا
داملا داملا سپه لنمیش گورورم گوزلریمی آددیم آددیملا چئلنمیش گورورم گوزلریمی
او زماندان کی شافاقلار آوار اولدو باشیما قانیله عشقه بئلنمیش گورورم گوزلریمی
بیر قورو یاپراقا بنزر کی آغاجدان یره دوشسون یار الینده یئله لنمیش گورورم گوزلریمی
بیردیلنچی کیمی سالدی منی هرقاپویا پنجره یه هرگولو هر یئرده دلنمیش گورورم گوزلریمی
اوقدر اوینادیب الده منی بو اسکی فلک ترسه ترسه گئجه لنمیش گورورم گوزلریمی
آسیلیب قلبیری کیپریکلریمه قاشلاریما اونونو چوخدان النمیش گورورم گوزلریمی
جالانان سو کیمی اولماز یغیشام من یئنی دن داملا داملا سپه لنمیش گورورم گوزلریمی
وار اومیدیم گله آدینه گونی ائل گمی سی سئل ایچینده لپه لنمیش گورورم گوزلریمی
یارالــــی گون
نیزه دن باش قاریشیب؛ ایستیر ازون چکسی دارا دامچی دامچیم قان آخیب بیر بیر ازون چکسی دارا
دوشوب الدن اله گون؛ کوینگینی قورد پارالیر دل دوداق سوره نور؛ تکبیر ازون چکسی دارا
گوردو آی قولسوز اولوب مشکینی ظلمت جالییب قانلی پرچم یارالی شمشیر ازون چکسـی دارا
تولکولر جولان ائدیب اصلانا فرمان ویرری یری واردیر سود امر شیر ازون چکسی دارا
قول قالیب علقمده؛ ترپدیری یئل بئشیکی گرگ اوچ شعبه لی تقدیر ازون چکسی دارا
سوسوز اولدوزلار آخیب؛ قانلی آی دوره لییب کیم دیور آغلیا داش زنـجیر ازون چکسی دارا
اولدو آخشام، یارالی گون گووه باخمور؛ یئرده آز قالیبدورکی بولود،گوو، یئر ازون چکسی دارا
حوزنیله دوشدو یولا سس سیز دایاقـسیز کاروان کربلا بغض ایلییب، ایستیر ازون چکسی دارا
... سس سیز
آددیم،آددیم غزل ایچره ساچیلان قوللاری سس سیز آچیلیب لاله یه بنزر آچیلان قوللاری سس سیز
آی گون دوتولان وقته ناماز قیلما گرکدیر آی،گون اتگیندن آسیلان قوللاری سس سیز
سنه آتدان یئره دوشمک دا یاراشماز اودا قولسوز آی شئعریده قولسوز یازیلان قوللاری،سس سیز
ایندی بایراق الیمیزده ترپئدیر یئل قولووی یاپیشیب بایراقا دیبدن یاریلان قوللاری،سس سیز
گنه نخلیستانا بنزیر اوره گیم اوخشویور علقمه یه اوره گیم ایچره اوره کدن سایلان قوللاری سس سیز
گور نجه ائتدی وفا آی گونه ظولمت گجه لرده اوقارانلیقلار الینده آتیلان قوللاری سس سیز
سنی قولسوز گئتریب شئعره چکممز شاعر آددیم،آددیم غزل ایچره ساچیلان قوللاری سس سیز
+ نوشته شده در شنبه نهم مهر ۱۳۹۰ساعت 10:34 توسط khalil mokhtarinia
|
بوردا توتغوندو هاوا !
آقاجان! گلمه بورا باخما دینلر سوزونه بورا کوفه چولودور کیمسه سنی آنلامیـری
تانیمیر کیمسه شهید اوغلو شهیدین آدینی بوردا هئچ کیم سنی کوچه آدینا آدلامیری
قورویوب بوردا وفا کوکسوسو غیـرت داماری گورورم کوفه لیه کوفه لی بئل باغلامیری
بوردا سیلی ورولور قاره گینلر یوزونه اوقدرچوخدور جسارت کی بولود آغلامیری
کربلا اننشیب و کوفه لی دنیانی دوتوب چوخالوبدور اوخ آتان حرمله ال ساخلامیری
ایتوروبلر قره قوشلار ایازین اینسی سینی داهی آق یئل ده نیزه چایلارا دل باغلامیری
آقا جان!گر گلسن جمعه گونی گلمه بورا! بوردا توتغوندو هاوا کیمسه سنی آنلامیری
خلیل مختاری نیا*سنندج-۱۵/۲/۸۸ خلیل مختاری نیا* سنندج- 14/3/88
ائلیمین آجی دردیائلمین آجی دردیآجیان خمیرلی آرزیلاریسایماغا گلمیب، گلمزگرک قیشی چئوروب یازا دوء ندره کیازا،یازاداردان،دوواردان آسیلان قار،بوزلاریائلیمیزین قورویان باغلارینسازا دوءندره کسازاگرک اوره ک تندرینیبیرلیک تندرینییئنی دن آغاردیبقیزارداقبیز دمیردن تاریخ یاراتمیشاقتنگیزدندمیر:سنمیب سینمازتنگیز: قورومویوب، قورومازبیز گرکسونمویان دمیرلی تندریمیزیگون به گون قیزارداقبیز گرک آجیان خمیرلی آریزلاریمیزیقیزارداقگرک قیشی چئوروب یازا دوء ندره کائلیمیزین آجی دردلرینیسازا دوء ندره ک.سازاخلیل مختاری نیا*سنندج- 18/3/88
+ نوشته شده در دوشنبه بیست و هشتم شهریور ۱۳۹۰ساعت 11:22 توسط khalil mokhtarinia
|
یئل قاوان یئل قاوان! یئل لر اسنده ازوی باقلی پاجا پنجره یه چالماگینان بوردا بیز قاپ باجانی باغلامیشاق قاپلاری پنجره نی چالماگینان *** بوردا بیز بوردا ساووخ بوردا قار گلمه سن! قویما گلک بـیز یانیوا یئل قاوان!موشتولوقون بورج اولسون گیتگئلن شاختا سوسوزدور جانیوا *** یاشیل آلما توکولوب ارخ ایچینه ایاق آلتیندا قالیب جان ویرری یئل قاوان گلمه بیزیم باغچامیزا بوردا آق سو یئرینه قان یریری *** بوردا ده نگیزلی ده نیزلر قـورویوب بیر ایچیم سو سنه اولماز اولماز آقا جان باخما بیزیم شور بولاغا سنین آوجون بو سوئیلن دولماز *** بورا کوفه چولودور بیزده شومور ایه تاریخ دولانا باش کسه رک بیز سنه یول گوزلمیرک آقاجان! هریانا یئل لر اسه بیز اسه رک ***
خلیل مختاری نیا . همدان – 2/7/87
سئل بیر گجه اســـــــدی طیفان دوغرادی و کســـدی طیفان هئچ دیمه دی بســدی طیفان سندیردی یئل آلچـــــــــــــامیزی ارتیه جک یاغــدی یاغیش هم سریندی داغدی یاغیش بولودلاری ساغــدی یاغیش آپاردی سئل باغچــــــــــــامیزی یاغدی یاغیش گون چیخانا باخدی گوزوم گون بـاخانا دامچیللادی هیســـلی خانا دولدوردو سو طاقچـــــــــــــامیزی انگیمیزی ازدیردی ســئل رنگیمیزی آزدیردی سئل بونوره نی قازدیردی ســئل بیز گورمه دیک خالچـــــــــــــامیزی داننادی بایقوش آتـــــامی ساننادی تای توش آتــامی حیصلاندیریب جوش آتامی چالدی یره ساوچــــــــــــامیزی اوز اوزونه قاتــــــدی ددم سیم سانجاقی آتـــدی ددم اوچ گونه جک یاتــدی ددم دوزه تمدی ناوچـــــــــــــامیزی
خلیل مختاری نیا . همدان – 15/7/86
+ نوشته شده در دوشنبه بیست و هشتم شهریور ۱۳۹۰ساعت 10:47 توسط khalil mokhtarinia
|
تیراختور Ø 1 هارایلایر یئل سنی طوفان کیمین ائل سنی: تیراختور آی تیراختور آپارماسین سئل سنی
Ø 2 کوراوغلو سان تیراختور تورک اوغلوسان تیراختور ستارخانا بابکه بئل باغلوسان تیراختور
Ø 3 فولاد سیز بی لیک اولماز ماشین سیز شنلیک اولماز ایران بوتون ایناسین تیراختورسیز لیگ اولماز
Ø 4 مغان کارای سیز اولماز آیدین سارای سیز اولماز تیراختورو سولوین سس سیز هارای سیز اولماز
Ø 5 دال دایاغی ساقلی تیم بونوءردن باغلی تیم سنی تبریز بسلییب داغلار تکین داغلی تیم
Ø 6 هاوای هاوال تیراختور باشی بالال تیراختور تورک باشینین تاجی سان تاجیم صافال تیراختور Ø 7 سرین سرین یئل گلر داشا داشا سئل گلر تیراختورون عشقینه سهنده مین ائل گلر Ø 8
سازیم سوزوم تیراختور اوزگه ازوم تیراختور سنین بایزدیرماقین نجه دوزوم تیراختور
Ø 9 آزربایجان دوینه گی قوزای گونای اورنه گی جسمیمه جان پایلیار تیراختورون کوءینه گی
Ø 10 گونوم گونوندن گئچیر سوزوم سوزوندن گئچیر لال قیرمیزی تیراختور قیزیل اوزندن گئچیر
Ø 11 داغدان داغادور تیراختور باغدان باغادور تیراختور ماشین لارین ایچینده بیوک آقادور تیراختور ۱۲ قار یاغیب دیزدن گلیر بئلیمدن ایزدن گلیر بیر تیراختور گورموشم سسی تبریزدن گلیر ۱۳ تبریز ائلی اویاخدی تورک خلقینه دایاخدی زنگان کیمین اولکه یه هم قولدی هم آیاخدی ۱۴
+ نوشته شده در شنبه سیزدهم خرداد ۱۳۹۱ساعت 11:24 توسط khalil mokhtarinia
|
|
|
